ASEAN hruaitute Republic Day hmanpui turin sawm

16th November, 2017

Association of Southeast Asian Nations (ASEAN) summit hmanga Philippines-a cham mek, Prime Minister Narendra Modi-a chuan ASEAN member ram 10 hruaitute chuan nakkuma India Republic Day lawmnaa tel turin a sawm.

ASEAN-India Summit-a thu a sawinaah, PM Modi chuan nakkum January 25-a New Delhi-a India-ASEAN Special Commemorative Summit neih tura tel turin a sawm nghal bawk a, a sawmna hi ASEAN hruaitute chuan an pawmsak a ni.

PM chuan India mipui tluklehdingawn 1.25-te chuan India Republic Day vawi 69-na lawmnaa chief guest turin ASEAN hruaitute chu an lo lawm a ni, a ti.