17th East Asia Summit-ah Vice President Dhankar a tel

Vice president Jagdeep Dhankar chu Cambodia khawpui, Phnom Penh-a 17th East Asia Summit neihah a tel. Dhankar hi ASEAN-India Commemorative Summit leh East Asia Summit hmang tur hian a zin a, a nupui Sudesh Dhankar-in a zui a ni.

Inrinni khan summit hi neih a ni a, summit neih karlakah Vice President hian US president Joe Biden, Cambodia prime minister Hun Sen-te a hmu a ni. Dhankar leh Hun sen hian culture, wildlife leh health lama India leh Cambodia thawhdunna tur, memoradum of understanding (MoU) pali an ziak.

East Asia Summit-ah hian ASEAN member - Brunei, Cambodia, Indonesia, Lao, Malaysia, Myanmar, Singapore, Thailand, Phillippines leh Vietnam bakah an dialogue partner pariat - India, China, Japan, South Korea, Australia, New Zeland, US leh Russia-te a huam a ni. Mahse tun ṭum summit-ah hian Russia aiawh erawh an kal ve lo.

Kumin hi ASEAN-India thawhdunna kum 30-na niin, ASEAN-India Friendship Year atan an hmang a ni.

Vice President hian nimin khan Cambodia hmar thlanglama resort town, Siem Reap bakah Ta Prohm Temple leh Angkor Wat Temple-te a tlawh bawk. Dhankar hi external affairs minister S Jaishankar-a'n a ṭawiawm.