India-in No Money for Terror Conference thleng dawn

Ministry of home affairs chuan tunkar hian No Money for Terror Conference a thleng dawn a, he hunah hian ram 75 aiawhte an tel beisei a ni.

No Money for Terror Conference hi kum 2018 khan a ṭum khatna atan Paris, France-ah neih a ni a, kum 2019-ah Melbourne, Australia-ah neih a ni leh bawk. Kum hnih chhung Covid-19 hri leng vanga chawlh a nih hnuah, November 18-19 hian Delhi-ah neih a ni leh dawn ta a ni.

MHA chuan thuchhuah siamin, conference-ah hian union home minister Amit Shah chu India aiawhin a tel dawn a, India-in firfiaka chetna do hna a thawh dan leh, hlawhtlinna a neih dante a tarlang dawn tih a sawi. A hmaa conference ṭum hnih lo neih tawhah firfiakte chetna dona kawnga khawvel ram hrang hrangte thawh ho dan tur an lo sawi tawhte pawh sawizui leh a ni ang.