SC-in judge ruat tur tihkhawtlai chhan sawifiah turin sorkar laipui hriattir

Supreme Court chuan union ministry of law and justice hnenah, judge ruat tur a tihkhawtlai chhan sawifiah turin a hriattir.

Supreme Court judge, justice Sanjay Kishan Kaul leh Abhay Oka awmna bench chuan ministry of law and justice-a secretary leh additional secretary hnenah hriattirna hi pein, November 28 hma ngeia an insawifiahna hi thehlut turin a ti.

Court chuan High Court judge atana Collegium in rawtna 10 a siamte chu sorkar laipui chuan a tikhawtlai mek a, hei bakah hian mi 11 hming a rawtna pawh sorkar chuan a chhan engmah sawi lohin a tihkhawtlai sak bawk niin a sawi.