Delhi-a BS-III leh BS-IV motor tlan khapna hlip

Delhi sorkar chuan khawpui chhung boruak bawlhhlawh zel tur venna atana BS-III petrol leh BS -IV diesel motor tlanchhuah khapna a siam chu nimin aṭang khan a hlip. Hei vang hian nimin aṭang khan motor eng chi pawh khawpui chhungah an tlan leh thei ta a ni.

Boruak bawlhhlawh zual zel tur venna atan D e l h i s o rk a r c hu a n November 3-13 chhung atan heng motor tlan hi a khap a ni. Transport official chuan khapna hi hlih ni mah se, air quality index chu a sang zel a nih chuan ennawn leh a ni dawn tih a sawi.

Pathianni thleng khan Delhi AQI hi 'very poor' caterogy a la ni. Delhi-ah hian BS-III petrol motor hi nuai hnih vel leh, BS-III diesel motor hi nuai thum vel a awm. Heng motor chi hnih tlanchhuah khap hian mipui nawlpui tan pawh harsatna a thlen nasa hle a ni. Police-te chuan khapna tihchhuah a nih chhung hian dan bawhchhiaa tlanchhuak lui, motor 4,000 vel chu manin, pawisa chawitir an nih thu an tarlang.

Motor khu chu khawpui boruak tibawlhhlawhtu lian tak pakhat a nih thu sawiin, Delhi sorkar chuan m i p u i t e c h u m a h n i m o t o r k e n g c h h u a k lo a, metro leh public transport-te hmang uar turin a ngen.