Cabinet-in Anti-Profiteering Authority dinna tur pawm

Union Cabinet chuan Goods and Services Tax (GST) thar hnuaia National Anti-profiteering Authority dinna tur chu a pawm a, hemi hmang hian indirect tax thar hmanga thil man tihhniamte chu cosumer-te an chhawr ngeina turin hma lak a ni ang.

Union Minister Ravi Shankar GST hnuaiah hian chhiah lak san ber, 28% lakna chu item 50 chauh a nih thu sawiin, item tam zawka chhiah chu 5% a tihniam an ni hlawm tih a sawi.

Minister chuan National Anti-Profiteering Authority chu consumer-te pual a nih tih sawiin, consumer zingah chhiah tihniam ni mah se, thil man bithliah chungchangah a taka kalpui ni lo nia hria a complaint neite chuan thuneitute hnenah hian complaint an thehlut thei dawn a ni, a ti. GST chu mipui nawlpuiten an hlawkpuina tura sorkar laipuiin theihtawp a chhuah tumna a nih thu a sawi bawk.

Union Finance Minister Arun Jaitley-a kaihhruaina hnuaiah kar hmasa khan GST Council meeting hi neih ani a, item 200 chuanga chhiat lakte chu tihniamin, AC leh non-ACT restaurant tax ratepawh 5% ah tihhniam a ni. Council hian thil man tihhniam kalpui duh loh vanga cosumer-te harsatna tawh ṭhinte ngaihtuah turin member panga awmna tur National Anti-Profiteering Authority din hi a lo remti tawh a ni. Authority chairman leh member thlang tur hian member panga awmna committee din a lo ni tawh bawk.