NGT-in hma lak tum dan thehlut turin

National Green Tribunal chuan state sorkar hrang hrang hnenah an state-a boruak bawlhhlawh, pollution level a san huna hma lakna tura ruahmanna an neihte thehlut turin a hriattir.

NGT chuan state tinte chu ruahmanna siam an ngai ani tih sawiin, an ruahmanna siamte chu kar hnih chhunga thehlut turin a ti a ni. Hemi chhunga an thehluh hman lo a nih chuan a mawhphurtu senior officer-te hlawh aṭangin cheng nuai nga paihsak turin a ti bawk.

State sorkarin ruahmanna an siamte hi Central Pollution Control Board (CPCB) leh Delhi Pollution Control Committee (DPCC) report-in polluting level chu a sangin, a hlauhawm tawh nia a sawi hunah hman ṭhin a ni dawn a ni. Green court chuan pollution level a san a, mihring hriselna dinhmun atana hlauhthawnawm a thlen hunah chuan school-te chu khar nghal tur an ni,a ti bawk.