Party president-a Rahul Gandhi dahna tur resolution pass

Congress party thuneitu sang, Congress Working Committee (CWC) chu nimin khan New Delhi-ah meeting neiin, party president atana Rahul Gandhi hlankaina tur resolution an pass.

Congress President thlanna neih tura tan hian Decembr 1-ah hriattirna tihchhuah ani ang a, December 4 thleng nomination thehluh theih niin, December 16-ah vote thlakin December 19-ah vote chhiar a ni ang. Mahse party president thlanna turah hian Rahul Gandhi chu a chuhtu awmchhun a nih rin a ni. Nomination thehluh theih tawp ni thlenga chuhtu dang an awm loh chuan, Rahul Gandhi hi party president atan puana ni ang.

Nimina meeting-ah hian Congress president Sonia Gandhi, vice president Rahul Gandhi, Prime Minister hlui Manmohan Singh bakah party hruaitu hlun Mallikarjun Kharge, Ahmed Patel, P.Chidambaram, Ghulam Nabi Azad, Sushilkumar Shinde leh Karan Singh-te an tel.

Party president ṭanglai, Sonia Gandhi hi kum 1998 khan Congress president hna hi vuan ṭanin, kum 2000 khan thlan tlin ani leh a, party hotu hna chelh rei thei ber a ni. A term hi December hia a tawp dawn a ni.

Rahul Gandhi hi kum 2013 khan vice president atan ruat a ni. Party president-a hlankai anih hnu hian 2019 inthlanpui neih tura Congress party inbuatsaihna hian AICC officer bearer team thar a ruat nghal rin a ni bawk.