Ivanka Trump lo zin tur atan venhimna tikhauh dawn

US President Donald Trump-a fanu, Ivanka Trump chu November 28-a Telangana khawpui, Global Entrepreneurship Summit hmang turin a rawn zin dawn a, hemi atan hian venhimna lam pawh khauh taka kalpui a ni dawn. Hyderabad-a ni thum a cham chhungin, Ivanka Trump venhimna hi India leh US agency-te chuan thuah nga-in an kalpui dawn a ni. US Secret Service chuan Ivana bulhnaia security ring thuah hnih an chang dawn a ni. 

A thuah thumnaah hian India Special Protection Group (SPG) dah tur niin, a thuah li-na leh nga-naah hian Telangana polcie Intelligence Securiy Wing leh Cyberabad police-te an awm thung ang. Ivana hi US President tana venhimna an pek ang pek a ni ang. Ivanka Trump hi Taj group hotel, Falaknuma Palace-ah a thleng dawn a, Telangana sorkar chuan a pual hian zanriah a buatsaih sak ang. US Secret Service chuan GES neihna tur hmun leh Ivanka thlenna tur hotel-te pawh hi ṭum eng emaw zat an endik tawh bawk. US aṭang hian Ivanka chuanna tur bullet-proof motor pawh an rawn keng tel dawn a ni.

Global Entrepre-neurship Summit hi US ram pawna nghah a nih ṭum hnihna tur a ni a, kum 2015 khan Kenya khawpui Nairobi-ah neih a lo ni tawh a ni.