ICJ judge atan Indian nominee Bhandari a tling

World court, International Court of Justice (ICJ) judge atana Indian nominee, Dalveer Bhandari chu thlan tlin nawn a ni.

General Assembly-ah vote lakah Britain candiate a inhnuhdawh hnuah Bhandari hian vote 193 aṭangin 183 a hmu a, Security Council vote 15 a hmu vek bawk.

World Court judge tan hian Bhandari leh Britain candidate Christopher Greenwood-te chu an inbitum a, Britain hi UNSC permanent member a nih avangin UNSC permanent member dang–US, Russia, France leh China-te chuan an thlawp zawk nia sawi a ni. Mahse vote thlak round 12-na neih hmain UN-a British Permanent Representative Matthew Rycroft chuan UN General Assembly leh Security Council president-te hnenah lehkha thawnin, an ram candidate Judge Christopher Greenwood a inhnuhdawh thu hi a hrilh a ni.