Delhi Metro Station bulah inkap

Delhi chhimthlang lam, Dwarka-a metro station bulah nimin khan police leh misual pawl an inkap a, gang member panga man a ni. Inkahna hmunah hian ṭum 30 dawn silai hmehpuah a ni. Police-te chuan an mi mante kut aṭang hian tualchher silai 11, silai mu 100 leh pistol an man tel bawk. An zinga pakhat chu a tlanchhe hman a, man tuma zawn mek a ni. Tun thla tir lam khan gangster pakhat, Delhi, Uttar Pradesh, Haryana leh Rajasthan police-te wanted list a mi chu Delhi-a inkahna thlengah man a lo ni tawh bawk.