Jaist-e-Mohammad-in hit-list a buatsaih

Pakistan-a hmunpui nei, Jaish-e-Mohammad (JeM) firfiak pawl chuan an mi beih tur, hit-list an buatsaih mek nia sawi a ni. He list-ah hian BJP hruaitute pawh an tel a, sorkar laipuia cabinet member-te pawh an tel bawk nia sawi a ni.

JeM hotu Masood Azhar chuan hit-list-a an telh, politician-te beitu tur special squad pawh a din tawh nia sawi a ni bawk. Hemi chungchang hi India thuneitute chuan an chhui chiang mek a ni.

JeM hian kum Pakistan firfiak pawl dang, Lashkhar-e-Toiba (LeT) hotu, Hafiz Saeed thawhpui a, India rama pawikhawihna thlen tur an ruahman mek nia sawi a ni bawk. LeT firfiakte hi kum 2008-a Mumbai khawpui beitute an ni a, he pawikhawihna thlennaa a mawhphurtu berah Saeed hi puh a ni bawk.

Kar hnih liamtaah khan Masood Azhar-a tupa, Talha Rasheed chu Jammu and Kashmir-a Pulwana district-a inbeihnaah security force-ten an lo kaphlum tawh a ni. Rasheed hi Kashmir-a JeM local commander a ni. A ni akah hian firfiak dang pahnih kahhlum an ni bawk.