Karnataka-in high-tech city 6 thar siam dawn

Karnataka chief minister Basavaraj Bommai chuan high-tech city paruk leh startup park an siam dawn tih a sawi.

Bengaluru Tech Summit 25th edition-a thu a sawiah, CM Bommai chuan high-city-te chu Kalaburagi, Mysuru, Mangaluru, Hubballi-Dharwad leh Bengaluru bulah siam an ni dawn a ni, a ti. He summit hi Nilaini khan prime minister Narendra Modi-a'n a hawng a ni.

Chief Minister chuan khawpui thar siamna tur ruahmanna kimchang chu thla ruk chhungin tlangzarh a ni dawn tih sawiin, university ṭha leh R&D centre-te a awm vek dawn a ni, a ti. Chief Minister chuan 'startup park' chu Bengaluru airport bulah siam a ni dawn tih a sawi tel bawk. Hei hi sector hrang hrang huamin, multi-model park a ni dawn a, thla ruk chhungin siam a ni ang, a ti.