Delhi court-in AAP minister bail dilna a hnawl

Delhi court chuan money laundering case-a man, Aam Aadmi Party (AAP) hruaitu Satyendra Jain-a bail dilna chu nimin khan a hnawlsak.

Jain bakah he thubuaia inhnamhnawiha puh dang, Vaibhav Jain leh Ankush Jain-te bail dilna pawh hnawlsak an ni bawk.

Kum 58 mi, Delhi minister hi May 30 khan Enforcement Directorate chuan kum 2017, August 24-a Central Bureau of Investigation (CBI) in FIR a thehluh behchhanin an man a, Tihar jail-ah tantir a ni. Tihar jail-ah hian Jain hi duhsak bik niin, VIP treatment pek nia sawi a ni a, hei vang hian kar liam ta khan jail superintendent Ajit Kumar chu suspend

a ni.

Nimina court-a Jain bail dilna ngaihtuahnaah, ED chuan dodalin, an thil chhui meknaah agency chu thu dik tawk lo hrilhin, a thawhpui ṭha lo hle tih an sawi. ED hian Tihar jail superintendent-in Jain hi VIP treatment pein, a awmna pindanah a tlawh fo tih court hi a hrilh a, Jain-a nupui pawh a cell-ah hian kalphalsakin, hun pek aia tam an awm tir a ni, a ti. An thusawi finfiahna atan hian CCTV footage pawh an thehlut tel bawk.