India private rocket hmasa ber hlawhtling takin kapchhuak

India rama private rocket hmasa ber, Vikram-S chu nimin chawhma dar 11:30 khan Sriharikota-a spaceport aṭangin hlawhtling taka kahchhuah a ni.

Vikram-S hi start-up Skyroot Aerospace siam a ni. Missoin 'Prarambh' (the beginning) hminga kahchhuah niin, Andra Pradesh-based N Space TEch India, Chennai-based startup Space Kids leh Armenian BazoomQ Space Research Lab thil siamte a phur.

Indian Space Research Organisation (ISRO) chuan an twitter-ah Mission Prarambh hlawhtling taka neih a ni thei chu an lawmpui thu sawiin, hei hi India ram tana thil chhinchhiah tlak a nih thu an tarlang.

Vikram-S hi India rama father of space programme tia sawi, Vikram Sarabhai hming chawitir a ni.

Skyroot co-founder Pwan Chandana chuan Mission Prarambh chu new India lantirtu a ni tiin, Indian space sector tana hmasawnna lian tak a ni, a ti. Kum 2020 khan sorkar laipui chuan private player-te tan space sector huang hi a zuah a ni.