UP-ah kum 2 chhunga sakhaw inleh luihtir chungchangah mi 507 man

Uttar Pradesh-a Yogi Adityanath kaihhruai BJP sorkar chuan kum hnih liam ta aṭang khan sakhaw inleh luih tir khapna, Prohibition of Illegal Religious Conversion Act chu hmangin, he dan hi khauh taka kenkawh a ni tih sorkar official chuan a sawi.

Sakhaw inleh luihtir khapna dan hman a nih hnuah, kum 2020 November thla aṭang khan UP-ah hian mi 507 man an ni tawh a, thubuai 291 ziahluh a ni tawh bawk. Mahse man zingah hian thiam loh chantir an la awm lo a, an thubuaite hi tikhawtlai mek an la ni hlawm.

Data-a a landanin, thubuai 291-a statement an pek zingah, mi 150 chuan tihluihna hmangin sakhaw danga inlehtir an ni tih an sawi. Heng thubuai tam zawk hi Bareilly district-ah ziah luh a ni.

Illegal Conversion Act hnuaia sakhaw inleh luihtirtute hi kum 10 thleng tantir theih an ni a, hei bakah hian Rs 15,000 aṭanga Rs 50,000 thleng chawitir theih an ni bawk.

He dan hnuaiah hian sakhaw in ang lo innei turte chuan an inneih hma thla hnihah district magistrate an hriattir tur tih a ni. Hmeichhia zawk chu mipa sakhua zawmtir duh vang ringawta inneih tir tum a nih chuan an inneihna chu danin a pawm lo tih tarlan a ni bawk.