Pratham pawl hnenah Indira Gandhi Prize hlan

Indira Gandhi Prize for Peace, Disarmament and Development 2021 chu education field lama thawktu, NGO Pratham hnenah hlan a ni.

Pratham hian India ram naupangten quality education an neih theihna turin a thawk a, a bikin Covid-19 hri len hluar lai khan an naupangten in lama zirna an chhunzawm theihna turin an thawk nasa hle. He an hnathawh ṭhat avang hian award hi hlan a ni.

Vice prsident hlui Hamid Ansar chuan Inrinni khan New Delhi-a Jawahar Bhawan-ah Pratham CEO Rukmini Baneji chu award hi a hlan a, award hlanna inkhawm neihah hian Congress president hlui sonia Gandhi pawh a tel.

Award hlantu, Ansari chuan Pratham chu khawvel pumin a hriain a ngaihlu hle a ni, a ti. Hripui leng vanga school kal theih loh a nih lai pawhin, he pawl hian digital technology hmangin naupangte chu an theih angin zirna an pe tih a sawi.

Rukmini Baneji pawhin thu sawiin, naupang hmasawnna turah chhungkua bakah khawtlang an pawimawh hle tih a sawi.