Election Commissioner atan IAS (retd) Goel ruat

President Droupadi Murmu chuan nimin khan Election Commissioner atan IAS (retd) officer Arun Goel a ruat. Goel hi Inrinni khan a hna aṭangin voluntary pension-in a chawl a ni.

Union law and ministry chuan thuchhuah siamin, President-in EC atana Goel a ruat thu hi a tarlang a ni. Member pathum awmna commission-ah hian May 15-a commissioner zinga mi, Rajiv Kumar chu Chief Election Commissioner atana ruat a nih hnuah, post pakhat hi hnawhkhah loin a la awm a ni.

Election Commissioner atana ruat thar, Goel hi a hna a ṭanga a chawlh hma, kar liam ta Zirtawpni thleng khan ministry of heavy industries-ah secretary a ni. Hemi hma hian culture ministry-ah secretary a lo ni tawh a, Delhi Development Authority vice chairman a ni tawh bawk.