UAE foreign minister ni 2 chamin a rawn zin

United Arab Emirates (UAE) foreign minister Sheikh Abdullah bin Zayed Al Nahyan chu ni hnih cham turin nimin khan India ramah a rawn zin.

India rama a cham chhungin Sheik Abdullah hian external affairs minister S Jaishankar nen inbiain, ram pahnihten thawhdnunna bakah regional leh global issue-te an sawidun ang.

UAE hi India tana energy supplier pawimawh tak a nih bakah, West Asia-a India thawpui ram pawimawh ber zinga mi a ni. UAE-ah hian India mi maktaduai thum chuang an khawsa mek bawk.

Ram pahnihte hian inlaichinna ṭha tak neiin, an thawhdunna chung changah inbiakna pawh hi an nei fo ṭhin. Kumin June 28 khan prime minister Narendra Modi pawhin UAE hi tlawhin, Sheikh Mohammed bin Zayed Al Nahyan nen meeting an nei. Jaishankar pawhin Ocotber thla khan zinin, Joint Commission Meeting and the Strategic Dialogue chu Sheik Abdullah nen hian an lo kaihruai dun tawh bawk a ni.