Gujarat-ah Party lian 3 hruaitute campaign

Gujarat assembly inthlan neih turah nimin khan party lian pathum - BJP, Congress leh Aam Aadmi Party (AAP) hruaituten rally an nei.

Prime minister Naren­dra Modi chuan nimin khan an party, BJP-in 'Vijay Sankalp Sammelan' rally a buatsaihah hmun thumah thu a sawi a, union home minister Amit Shah chuan public meeting hmun liah neiin, BJP star campaigner zinga mi Uttar Pradesh chief minister Yogi Adityanath pawhin public meeting a nei bawk.

Congress party hruaitu Rahul Gandhi chuan Surat district-a Mahuva leh Rajkot khawpuia public rally-ah thu a sawi.

AAP hruaitu, Delhi chief minister Arvind Kejriwal pawhin nimin vek khan Amreli-ah road show a nei a, Khambhaliya-ah public meeting a nei zui leh bawk.

Aam Aadmi Party hian inthlan lo awm turah hian Isudan Gadhvi chu chief ministerial candidate-ah a ruat a ni.