Karnataka sorkarin ramri buaina buaipui turin lawyers team a din

Karnataka chief minister Basavaraj Bommai chuan Maharashtra nena ramri buaina an neih chungchang Supreme Court lama buaipui turin theihtawpin an inbuatsaih a, hemi atan hian lawyers team pawh an din tawh tih a sawi.

Hemi hma hian Maharashtra chief minister Eknath Shinde pawhin court lama ramri buaina thubuai buaipui tur hian a minister pahnih Chandrakant Patil leh Shambhuraj Desai-te a lo ruat ve tawh bawk.

CM Bommai chuan lawyers team an dinah hian attorney general Muluk Rohgati bakah Shyam Diwan, Karnataka advocate general hlui Uday Holla leh Maruti Jirale-te an awm tih a sawi. Team member-te pawh case buaipui tur hian theihtawpin an inbuatsaih a ni, a ti. Bommai chuan Maharashtra politics chu ramri buaina chungchangah ringawt innghat niin a puh a, political party zawng zawngin he thil hi an buaipui a, mahse an tum angin engmah an hlawhtling lo ang, a ti.

Kum 1960-a Maharastra state a din aṭang khan, Belgaum (Belagavi) district leh Marathi ṭawng hmanna thingtlang khaw 80 neitu zawk nih inchuhin Karnataka nen hian an buai tawh a ni.