Kolkata-in Mumbai a luahlan thuai dawn : Bengal minister

West Bengal finance minsiter Amit Mitra chuan ramchhunga major financial hub, Mumbai dinhmun chu Kolkalta khawpui chuan a la luahlan thuai dawn tih a sawi.

Pathiannia chanchin-thar lakhawmtute a kawmnaah, minister Mitra chuan bank 27-te chuan Kolkata cu financial hub-a siam turin hma an la mek a, State Bank of India pawhin ram acre 11-a zauah training centre lian ber siam a tum mek a ni, a ti.

Bank hrang hrangte chuan Bengal chu financial hub turin an hmu tawh a, Mumbai khawpui el turin hma an sawn mek zel tih a sawi. Theihtawp chhuah a hmalakna avangin Mumbai khawpui chu an la luahlan thuai dawn niin a sawi.

Delhi-a International Trade Fair hmanga zin mek, West Bengal minister chuan kum 2011-a thuneihna an chan hnuah an state-a mi nuai 81 te chu hna pek an nih tawh niin a sawi a, an state hmasawnna avangin industrialist-te pawhin Bengal chu invest-na tlak state-ah an ngai tawh a ni, a ti