Lalu-a security tihnep sak

Sorkar laipui chuan Bihar chief minister hlui leh Rashtriya Janata Dal hotu Lalu Prasad Yadav hnena Z Plus category security a pek chu Z caterogy security-ah a tihnep sak.

Z-category security pek a nih tak avangin Lalu-a vengtu tura dah ṭhin, National Security Guard (NSG) chuan an veng zui tawh dawn lo a, CRPF in mawhphurhna a la tawh dawn a ni.

Lalu Prasad-a fapa, Bihar minister hlui Tej Pratap chu sorkar laipui thutlukna siamah hian a lungawi lo hle a, a fapa chungah thil ṭha lo a thleng a nih chuan Prime Minister Narendra Modi leh Bihar Chief Minister Nitish Kumar-te chu mawhphurtu an nih tur thu a sawi. Tej Pratap chuan he thil hi a pa tihhlum a nih theihna atana phiarrukna niin a puh a ni.

Union Home Ministry chuan Bihar CM hlui dang Jitan Tram Manjhi hnena security pek pawh a tihnep sak bawk a, Z-Plus category pawh tihnepsakin, CRPF in an ven ṭhin chu Bihar Police kutah dah ani tawh dawn bawk a ni.