India leh Russia-in inremna ziak

India leh Russia chuan firfiakte beihna kawnga thawhdunna tur inremna thuthlung an ziak.

He inremna hi Russia-a cham mek, Union Home Minister Rajnath Singh leh Russia Interior Minister Vladimir Kolokolstev-ten Thawhṭanni khan Moscow-ah an ziak a ni. Ram pahnih hruaitute chuan firfiak zingah a ṭha leh ṭha lo an awm hrang lo tih sawiin, firfiak eng chi pawh nise ram leh mipuite tana ṭha lo leh hlauhawm an ni tih an sawi.

Minister-te chuan ram pahnihte inlaichinna tihnghehna kawngah seurity lama thawhdunna nghet leh zau zawk neih chu thil pawimawh tak a nih thu an sawi. He inremna an siam hian internal security lama thawhdunna thuk zawk a siam dawn a ni, an ti.

Indian embassy chuan thuchhuah siamin, hruaitu pahnihte hian firfiaka chetna thleng ṭhin tihbona kawnga thawkdun turin information inhrilh tawn te, database siam leh police leh investigative agency training-na kawngah thawhdunte an remti tih a sawi.

India leh Russia hian inlaichinna nghet leh ṭha tak neiin, kum 70 zet palai pawh an intir tawn tawh a ni.