Supreme Court-in CBI special director khinna hnawl

Supreme Court chuan Central Bureau of Investigation (CBI) special director atana Rakesh Asthana ruat a nih chungchanga khin letna petition thehluh chu a hnawlsak.

Prashant Bhushan chuan CBI special director atana Asthana dah a nih dan hi dan kalh nia sawiin court-ah hian a khing a ni.

Bhushan chuan CBI-in FIR a thehluhna, Sterling Biotech-ah pawh Asthana hming hi a lang niin a sawi. August thla khan CBI Delhi unit chuan Gujarat-a hmunpui nei, Sterling Biotech leh Sandesara Group of Company aṭanga thamna dawnga puh, Incomet Tax Commissioner pathum lakah FIR a thehlut a, an zingah hian Asthana pawh hi a tel a ni. Bhusan chuan sorkar chuan interim CBI Director atan chuan ami duhzawng a ruat a, ruat a nih theihna tur hian dan leh kalphung awmte pawh palzutin a pawisa lo a ni, a ti.