May 12 aṭangin Khualzin phur rel tlan tir dawn
Railways chuan May 12 aṭangin khualzin phur rel 15 te a tlantir leh ṭan dawn.
Rel 15-te hi New Delhi station aṭanga chhuakin, Dibrugarh, Agartala, Howrah, Patna, Bilaspur, Ranchi, Bhubaneswar, Secunderabad, Bengaluru, Chennai, Thiruvananthapuram, Madgaon, Mumbai Central, Ahmedabad leh Jammu Tawi-ahte tlantir an ni ang. Heng rel-a chuang turte tan hian IRCTC website aṭangin emaw, mobile app aṭangin emaw nimin tlai aṭang kan ticket booking hawn a ni. Ticket hi online aṭang chauhin book theih ala ni a, counter aṭangin ticket pekchhuak a la ni lo ang.
Special traintlan belh tir dawn
Sorkar laipui pawhin state danga tangkhangte hruai hawna tura Sharmit special train tlantir zat pawh a tipung dawn. Special train hi nitin 80 tlantir mek an ni a, mahse hei hi 100-ah tihpun a tum. Hei hi cabinet secretary Rajiv Gauba hoa high-level meeting ah rel a ni.
Nimin aṭang khan special train-a phurh theih zat bituk mi 1,200 chu 1,700-ah tihpun a ni. Railways chuan heng rel tlan tirte kawng laka chawlh a phalsak loh pawh siam danglamin, an kalna tur state an thlen hmain hmun thumah an chawlh a phalsak bawk.