Congress party chuan Gujarat assembly inthlan lo awm tur atana a campaign-na hmaruaah, prime minister Narendra Modi chuan hmeichhe naupang kum 7 mi a hman avangin National Commission for Protection of Child Rights (NCPCR)-ah complaint a thehlut. 
Congress party hian PM Modi lakah leh, central-a rorellai BJP lakah complaint hi a thehlut. PM Modi chu Election Commission (EC) kaihhruainain, naupang kum tling lote political campaign-na atana hman a khapna chu a bawhchhia niin an sawi. 
Gujarat-a hmeichhe naupang kum 7 mi chu PM Modi bulah dingin, Gujarati ṭawngin BJP leh a hnathawhte fakna thuchham a sawi a, he video clip hi second 57-a thui a ni. He video clip hi BJP official twitter-ah an dah a, BJP hruaituten an social media platform-ah an dah bawk a, an zingah hian union minister of education and skill development& entrepreneurship, Dharmendra Pradhan pawh a tel. 
Congress party chuan an party hruaitu, Rahul Gandhi-a'n Bharat Jodo Yatra a neih mekah NCPCR chuan naupangte tel a lo phal loh chungchang sawi chhuakin, complaint an thehluhah pawh PM-in campaign-na atan kum tling lo a hman chu an ngaihven zui ngei a, dan bawhchhiate chungchanga action na tak an lak ngei an beisei thu an tarlang.