India rama sakhaw zalenna leh human rights dinhmun a derthawng : USCIRF

US Commission for International Religious Freedom (USCIRF) chuan India rama sakhaw zalenna leh human rights dinhmun chu a derthawng mek niin a sawi.

USCIRF hi Congress ruat body ni mah se, a rawtna siamte erawh chu US State Department-in a kengkawh ngei ngei tur tih erawh a ni chuang lo.

Kumin kumtir lama 2022 Annual Report a tihchhuahah USCIRF chuan India ram chu US State Department chuan sakhaw zalenna palzut a nih fo avangin ngaihven ngai zingah a tel tiin a lo sawi tawh bawk. Mahse hemi chungchang hi State Department erawh chuan a sawi zui ve lo thung. Thawhlehni khan report update hi a tichhuak leh a ni.

Report-ah hian kum 2022-ah India rama sakhaw zalenna dinhmun a chhe hle a, sorkar laipui chuan national, state leh local level-tein sakhaw lama a policy- sakhaw inleh khap, sakhaw hrang inneih pawlh khap leh bawng talh khapna chu a kalpui a, hei hian Muslim, Kristian, Sikh, Dalit leh Adivasi-te chungah nghawng ṭha lo tak a nei a ni, a ti. Sorkar chuan a policy sawiseltu, a bikin sakhaw tlem zawkte aw chhuah tur pawh a rahbehsak zel tiin a tarlang.

Ministry of home affairs chuan USCIRF report tihchhuah hmasak hi July thla khan a lo chhang tawh a, a report pek chu ṭan lam nei leh rintlak tawk lo niin a puh thung. MEA thupuangtu chuan USCIRF thuchhuah siam chuan India ram dinhmun, a ram danpuite a hriatchian tawk loh zia a tilang a ni, a ti.