Rahul Gandhi-an nomination paper thehlut dawn

Congress vice president Rahul Gandhi chuan party president thlanna neih tur atan Decembr 4 hian nomination paper a thehlut dawn a, he hunah hian party hruaitu luten ṭawiawmin, an zingah hian prime minister hlui Manmohan Singh pawh a tel ang.

Kum 47 mi, Rahul Gandhi-an nomination paper a thehluh tur hi kalphung zawm kimna mai tur nia sawi a ni a, party president thlanna turah hian midang chuh tum an awm dawn lo nia sawi a ni.

Congress constitution hnuaiah, Rahul Gandhi hian amah kherin a nomination hi a thehluh a ngai lo a, a nomination paper hi Pradesh Congress Committee (PCC) 10-a palaite an thlawp a ngai a ni. Hemi hnu hian inthlan chungchang buaipuitu, Central Election Authority (CEA) hnenah thehluh a ni ang.

CEA hian December 5 hian nomination paper lutte a endik ang a, party president chuhtu dang an awm loh chuan hemi ni vek hian result puan nghal a ni ang. Party president atana Rahul Gandhi-a thlanna hi All India Congress Committee (AICC) emaw, plenary session emaw chuan December 31 hian a nemnghet zui dawn a ni. Party president hian a term hi kum thum a chelh ang.