BSF-ten ruihhlo kg 10,000 man tawh

Border Security Force (BSF) te chuan nikum December 1 aṭanga kumin October 31 inkarah ruihhlo kg 10,000 chuang an man tawh. BSF Director General KK Sharma chuan khawthlang leh khawchhak lam ramri-a duty, BSF-te ruihhlo man hi kg 10,247.119 a tling niin a sawi a, heng zinga kg 9,807 chu khawchhak lam ramri-a man niin, khawthlang lam ramri-ah kg 439.2 man ni bawk. Hemi hun chhung vek hian BSF chuan pawisa lem 49,44,000, silai mu 606 leh ralthuam 50 an man bawk a, dan kalha ramri kaltlanga bawng tawlh tur 1,20,578 an man tel bawk.