EC atana Goel ruatna hmanhmawh taka kalpui a nih dan sorkar zawtfiah

Supreme Court chuan Election Commsioner atana IAS officer hlui, Arun Goel ruat a nihna rang taka tihfel nghal a nih mai dan chu nimin khan sorkar laipui a zawtfiah.

Kar liam ta khan Arun Goel hi EC atan ruat a ni a, awlsam leh rang taka a appointment tihfel anih chungchangah hian Supreme Court-ah petition thehluh a ni. Hei vang hian SC chuan thil dik tawk lo a awm tih fiah turin Goel-a appointment file hi pe turin sorkar laipui pawh a hriattir a ni. Nimin khan sorkar laipui chuan SC-a constitution bench hnenah Goel-a appointment file hi a pe a ni.

Judge panga awmna consti­tution bench chuan, EC atana Goel ruatna file hi darkar 24 chhungin tihfel hman vek a nih thu sawiin, sorkar laipui chuan eng vanga hmanhmawh taka he thil hi tinge a zawt. Bench chuan Goel chu EC atana ruat a nih chungchangah a tlin leh tlin loh lam a zawt lo a,mahse appointment hmanhnawh lutuka kalpui a nih dan zawt chu hriatfiah an duh tih a sawi. Hei bakah hian Prime Minister thurawn anga Law Minister-in EC-a ruat tur mi pali hming a chhawp chhuah dante a zawt bawk.

Arun Goel hi November 19 khan Election Commissioner atan ruat a ni a, November 21-ah charge a la nghal a ni. EC post hi May 15 aṭang khan a ruak tawh a ni.