J&K-ah drone aṭanga thlak IED, pistol leh pawisa fai man

Jammu and Kashmir police-te chuan nimin khan Samba district-ah ramri kaltlanga drone rawn thlawk lutin a thlak, improvised explosive devices (IED), pistol leh pawisa faite an man.

Police senior superintendent Abhishek Mahajan chuan, international border aṭanga km 5-6 vela hla, Ramgarh leh Vijaypur inkarah drone aṭanga thil thlak hi nimin zing dar 6:15 vel khan tualchhung miten hmuin, police-te an hriattir nghal a ni, a ti.

Bomb disposal squad chuan IED pahnih detonator, Chinese pistoal pahnih, magazine pali leh mu 60 bakha pawisa, Rs 500 note-in Rs nuai 5 an hmu a ni. Heng thilte hi thinga siam bawmah dah an ni tih SP chuan a sawi.