Rajasthan-ah Austra Hind 22 exercise nei ṭan

India leh Australia sipaite chuan nimin aṭang khan nunchan zirna, 'Austra Hind 22' exercise an nei ṭan a, December 11 thleng a awh ang.

Defence ministry chuan ram pahnih sipaite nunchan zirna hi a vawi khatna a ni tih sawiin kumtin neih chhoh a ni dawn a, India leh Australia ramah inneihchhawk a ni ṭhin dawn tih a sawi.

Austra Hind 22 hi Rajasthan-a Mahajan Field Firing Ranges-ah neih a ni. Australian Army contigent-ah hian 2nd Divisoin-a 13th Brigade sipaite an tel a, Indian Army aiawhin Dogra Regiment an tel a ni.

He exercise-in a tum ber chu ram pahnih sipaite inkara inlaichinna ṭha siam leh, an tihdan ṭhate inhrilh tawn a, beihpui thlak a ngaih pawha thawhdunna ṭha a neihna tur a nih thu ministry chuan a tarlang. Joint planning, joint tactical drill, special arms skill leh target beihna kawngah exercise hi neih a ni ang.