UN headquarters-ah Mahatma Gandhi lim dah dawn

India-in thla thara UN Security Council hruai hna a chelh hunah, United Nations hnena a thilpek, Mahatma Gandhi lim chu UN headquarters-ah hawn a ni dawn. Hei hi UN headquarters-a Gandhi lim dah hmasak tur a ni ang.

He lim hi Indian sculptor Padma Shree awardee Ram Sutar siam niin, Gujarat-a 'Statue of Unity' design-tu a ni.

Gandhi lim hi December 14-a external affairs minister S Jaishankar-a'n UN headquarters a tlawh hunah hawn a ni ang.

UN-a India permanent representative, Ruchira Kamboj chuan Gandhi lim hi UN headquarters-a North Lawns-ah dah a ni dawn tih a sawi.

UN headquarters-ah Germany-in a pek Berlin bang ṭhenkhat, Soviet sculpture ‘Let us Beat Swords into Ploughshares’, South Africa-in a pek Nelson Mandela lim leh 'Guernica' tapestry -te dah an lo ni tawh. Kum 1982-a India in a pek, kum zabi 11 hunlaia mi, lunga siam 'Surya' (Sun God) lim pawh a awm bawk.

Gandhi lim hawnna hun buatsaihah hian UNSC member 15-te bakah, member atana thlan thar panga te an tel vek ang. US secretary general Antonio Guterres bakah UN General Assembly 77th session president Csaba Korosi te pawh an tel ang.