Gujarat-a factory pakhatah ruihhlo Rs vbc 500 hu an man

Gujarat anti-terrorist squad chuan Vadodara khawpui daia factory pakhat an dapnaah, ruihhhlo MD drug Rs vbc 500 hu an man,

ATS official chuan Thawhlehni zan khan factory-cum-godown hi dapin, he hmuna mi panga lo awmte pawh man nghal an ni tih a sawi. Investigation an neihnaah an mi mante hian he factory dan phalna anga chemicals lam siamna hmun anga lantirin, ruihhlo hi an lo siam ṭhin niin a sawi. Hmun dangah an thawhpuite pawh zawnchhuah tumin hma lak zel a ni tih a sawi bawk.

Kumin August thla khan Gujarat ATS hian Vododara khawpui bula warehouse-ah mephedrone kg 200 chuang, Rs vbc 1,000 dawn man chu an lo man tawh bawk a ni.