Covid-19 kai enkawl tamna zingah India tel

Ram pumah lockdown puan a ni chungin Covid-19 hri kai hi nitin  a pun belh zel a, khawvela hri kai enkawl tam lamah India chu 8-na a nih tawh thu Worldometer chuan a tarlang.

Union health ministry chuan India-a Covid-19 hri enkawl mek chu 46,008 an awm thu a tarlang a, hei vang hian Worldometer chuan hri kai enkawl mek tam lamah India chu 8-na dinhmun a hauh tih a tarlang. India hi khawvel ram hrang hrang zingah hri kai tam lamah 13-na a ni mek bawk.  Mi thiamte sawi dan chuan June leh July-ah hian India-ah Covid-19 hri hi a nasat zual lai a la thleng dawn niin an sawi.  

Covid-19 kai enkawl mek nei tam ber ram chu United States a ni a, enkawl lai hi mi 1,041,830 an awm a ni. A dawtah hian UK niin, ani hian hri kai enkawl lai mek hi mi 190,651 a nei bawk.