RS-a LoP-ah Kharge awm chhunzawm rih dawn

Congress party president Mallikarjun Kharge chu Rajya Sabha-ah Leadear of Opposition a ni chhunzawm rih dawn nia sawi a ni a, an party hian a thlaktu tur chungchangah thutlukna engmah a la siam lo.

Mallikarjun Kharge hi party president ni chunga Rajya Sabha-a Leader of Opposition-ah a awm chhunzawm a, post pahnih a chelh kawp a nih chuan Rahul Gandh-a'n "One Person, One Post" policy an kalpui tur a lo sawi nen a inkalh dawn a ni.

Sonia Gandhi chuan vawiin hian Congress Parliamentary Party-a "strategy group" meeting a ko a, he hunah hian Kharge, Jaimar Ramesh leh KC Venugopal-te chiah koh an ni. RS-a Kharge thlaktu tura lo sawirik tawh, Digvijaya Singh leh P Chidambaram-te erawh koh tel an ni lo.

Party president thlan dawn khan Kharge chuan Leader of Opposition a nihna aṭangin banna a thehlut a, mahse a thlaktu an la ruat loh avangin Parliament winter session neih turah he dinhmun hi a la chelh chhunzawm rih dawn nia sawi a ni.

Congress hian "One Person, One Post" policy hi kalpui mah se, Kharge bakah mi dang pahnih pawh ngaihnathiam an ni tawh. Lok Sabha-a Leader of Opposition Adhiranjan Choudhary chu Bengal-ah party president niin, Jairam Ramesh pawh Rajya Sabha chief whip bakah Congress Communication hotu a ni bawk.