Airport-ah facial recognition hmang ṭan

Airports Authority Of India (AAI) chuan Ningani aṭang khan airport-ah khualzin lut turte tana facial recognition technology hmanna tur, Digi-Yatri service a hawng.

He service thar hi airport checkpoint hrang hranga khualzinte endiknaah facial feature hmanna tur a ni. He facility hi Delhi-a IGI Airport, Bengaluru-a Kempegowda International Airport leh Varanasia-a Lal Bahadur Shastri International Airport-ah dah phawt a ni.

Khualzinte chuan Digi-Yatri app hmangin boarding pass-a QR code an scan a ngai dawn a, an thlalak an upload bawk ang. Airport-ah boarding pass hi scan-in, e-gate chuan an hmel leh information an upload-te chu a inmil em tih an lo endik ang. Enfiah a nih hnuah gate te hawngin, khualzinte chu security check area-ah kaltir an ni ang, hetah hian thla laksak lehih, enfiah a nih hnuah thlawhtheihnaah an lut thei ang.

He service hi nakkum March thlaah Hyderabad, Kolkata, Pune leh Vijayawada-ah hman a ni ve leh dawn a, hemi hnu hian airport dangah pawh hman chhoh zel a ni ang.