SCO summit hmang turin Swaraj-i a zin

External Affairs Minister (EAM) Sushma Swaraj-i chu Russia-a Sochi khuaa ni hnih awh tur, Shanghai Cooperation Organisation (SCO) Summit hmang turin a zin.

SCO Summit hi nimin aṭang khan ṭan a ni a, Nilaini zan khan Swaraj-i hian Sochi hi a thleng a ni. Summit kar lakah hian ram dang hruaitu eng emaw zat meeting a neihpui nghal bawk ang.

Vawiin hian ram hrang hrang palai hotuten restrict meeting an neih turah Swaraj-i hi a tel dawn a, hemi hnu hian preliminary session neih zui a ni ang. Vawiin tlai hian Russia Prime Minister Dmitry Medvedev chuan palaite tan zanriah a buatsaih sak dawn bawk a ni.

India hi kum 2005 aṭang khan SCO ah hian observer a ni a, June thla khan India leh Pakistan chu SCO member puitlingah dah an ni. Member atana India dah a nih theihnan hian Russia chuan hma a la a, Pakistan lam hi China in a thlawp thung. Prime Minister Narendra Modi chuan June thla khan Kazakhstan khawpui, Astana-ah SCO summit hi a lo chhim tawh bawk a ni.