Israel-in Jordan ambassador thar ruat dawn

Israel chuan Jordan nena an inkar boruak siamṭhat nan ambassador thar a ruat dawn.

Kumin July thlaa Amman-a Israel guard-in Jordan mi pahnih a kahhlum avangin ram pahnihte inkar boruak hi a ṭha lo chho a, Jordan-a Israel ambassador Eniat Schlein-an he thil thleng a buaipui danah hian Jordar sorkar chu a lawm lo hle a ni.

Schlein hian July 24 khan Jordan hi a chhuahsan a, tun thlengin a la let leh lo a ni. Jordan sorkar chuan Schlein-a hi an rama a kir leh a remti lo nia sawi a ni. Israel sorkar hnenah pawh Israel embassy-a hnathawk tura kal, Jordan mi pahnih embassay guard-in a kahhlum chungchang hi chhui chiang turin a lo phut tawh a, mahse tun thlengin Israel chuan he thil thleng hi a la chhui lo.

Israel foreign ministry chuan Jordan nena an inkar boruak siamṭha tur hian ministry chuan hma a la mek tih a sawi.