Pope Francis-an Myanmar Catholic tan mass buatsaih

Myanmar ram tlawha zin, Roman Catholic kohhran hotu Pope Francis chuan Nilaini khan Yangon khawpuiah open-air mass a buatsaih. Mass buatsaiha tel tur hian ramchhung hmun hrang hranga Catholic member-te chuan Yangon hi an pan a, mi 150,000 vel an tel nia sawi a ni. Myanmar ram hi Buddhist tama ram niin, a ram mipui maktaduai 51 zingah Catholic member hi 700,000 vel chauh an awm a ni. Myanmar ramah hian Catholic hi kum 500 chuang an awm tawh a, Buddhist sakhua nen pawh inpawhna ṭha tak an nei a ni. Pope hian Nilaini vek han Buddhist hruaitute a kawm bawk a, hemi hma hian Myanmar sorkar hruaitu leh sipai hotute a lo hmu tawh bawk a ni.