US tleirawl tam zawkin party dang an duh

Kum 2000 hnu lama piang, US tleirawl tam zawkin an rama political party pahnih, Republican leh Democratic party ni lo, party dang a awm an duh. NBC News/GenForward in mipui ngaihdan a lakah, American millenial zinga 71% chuan party pathumna a awm hi an duh a, an zinga 63% chuan President Donald Trump hna thawh dan chu an ṭha an ti lo tih an sawi. 

Hei bakah hian 65% chuan US chuan kawng dik lo a zawh nia an ngaih thu an awi bawk. He survey hi October 26 leh November 10 inkar khan neih a ni a, ngaihdan an lak zinga 59% chuan Republican Party chu an duh lo a, 42% in Democratic Party an duh lo tih an sawi bawk. US political institution chu ṭha tawk lo an ti a, 6% in Congress hna thawh dan chu an duh loh thu an sawi.