Sorkar laipuiin 2023 G20 summit atan all-party meet a ko

Sorkar laipui chuan nakkum September thlaa India-in a thlen tur, G20 summit kalpui dan tur sawiho leh thutlukna siam turin vawiin hian all-party meeting a ko.

Parliamentary affairs minister Pralhad Joshi chuan political party 40 dawn president-te chu meeting-a tel tur hian a sawm. Rashtrapati Bhavan-a meeting neih turah hian prime minister Narendra Modi bakah external affairs minister S. Jaishankar pawh a tel ang.

December 1 khan India chuan official-in G20 presidency dinhmun a chelh ṭan a, kum khat chhung a chelh dawn a ni. G20 hruaitu hna a chelh chhung hian ram chhung hmun hrang hrangah meeting vawi 200 chuang a thleng hman dawn a ni. G20 Leaders' Summit chu nakkum September 9 leh 10 hian New Delhi-ah neih a ni ang.