Tamil Nadu-ah rualbanlote in lam aṭanga hna thawh phalsak dawn

Tamil Nadu chuan an state chhunga sorkar leh private hnuaia thawk, taksa lama rualbanlohna nei, persons with disabalities (PwD)-te chu an hnathawhna hmunah kal kher loin, in lam aṭanga hna thawh a phalsak dawn.

Chief minister MK Stalin chuan Inrinnia Chennai-a International Day of Persons with Disabilities puala inkhawm buatsaiha thu a sawinaah hemi chungchang hi sawiin, sorkar chuan hma la turin expert commitee leh high-level committee a din a ni, a ti. Hei bakah hian Tamil Nadu Skill Development Corporation chuan Naan Mudhalvan Scheme hnuaiah rualbanlote chu skill development training pein, a thlawnin laptop pek an ni tih a sawi bawk.

CM chuan rualbanlote hnenah thla tin pension an pek, Rs 1,000 ni ṭhin chu January 1, 2023 aṭangin Rs 1,500-ah tihpun a ni dawn tih a sawi. Pension hi mi 4,39,315 hnenah pek mek a ni a, pension tihpunna atan hian sorkarin kumtin Rs vcb 263.58 a sen belh dawn a ni.

Rualbanlote tana thawktu pawl leh mimal hrang hrangte hnenah Chief Minister chuan lawmthu sawiin, award te a hlan bawk a ni.