United State President hlui Obama a rawn zin

US President hlui Barack Obama chu nimin khan a rawn zin.

Barack Obama hian Obama Foundation buatsaih town hall a rawn hmanpui a, he hunah hian ramchhunga ṭhalai hruaitu 280 te nen inkawmna hun an hmang a ni. Obama hian India pana a rawn chhuah hmain a Facebook-ah a zin tur thu hi a sawi a, India rama ṭhalai hruaitute kawmin, khawtlang nun siamṭhatna kawnga an hmalak dante a sawipui dawn a, hei bakah hian an hnathawhna kawnga Obama Foundation-in a puih theih dante pawh a zawt dawn bawk tih a sawi a ni.

Town Hall talk-ah hian khua leh tui ṭha zawk nih theih dan turte thlur bing a ni dawn a ni.

Obama hian a cham chhungin Prime Minister Narendra Modi pawh a hmuh rin a ni. Hruaitu pahnihte hi kum 2014 September leh 2016 September inkar khan ṭum riat zet an lo inhmu tawh a ni. India rama Obama a rawn zin hnuhnun ber chu kum 2015 January thla kha niin, Republic Day lawmnaah khuallian a ni. Obama hian kuminah Germany, Indonesia leh Brazil-ahte ṭhalai hruaitute alo kawm tawh a ni.