2016 crime list-ah UP a sang ber

National Crime Record Bureau (NCRB) in 2016 crime data a tihchhuahah, Uttar Pradesh chu crime rate sanna ber a ni.

Uttar Pradesh crime rate chu 1,293 niin Indian Penal Code (IPC) rate aiin a let sawmin a sang zawk. Delhi crime rate chu 958 niin a IPC rate nen a inang thung.

UP-ah hian hmeichhiate chunga hleihlenna leh tualthahna a hluar hle a, thubuai ziah luh zinga 16.1 % , 4,889 chu tualthah thubuai a ni. Bihar-ah tualthah thubuai 2,581 ziahluh a ni bawk. UP-ah hian kum 2016 chhunga hmeichhiate chunga pawikhawihna thubuai ziahluh chu 49,262 a ni a, ram chhunga state hrang hrang zingah a sang ber a ni. West Bengal chu a pahnihna niin, thubuai 32,513 ziahluh a ni bawk.

Ram pumah kum 2015 aiin kum 2016-ah pawngual thubuai ziahluh 12.4% in a pung bawk. Kum 2015-a pawngsual thubuai ziahluh 34,651 a awm laiin 2016-ah chuan thubuai 38,947 ziahluh a ni. Madhya Pradesh leh Uttar Pradesh-te chu pawngsual thubuai tamna niin, thubuai hi 4,882 leh 4,816 ziahluh a ni a, Maharashtra-ah 4,189 ziahluh a ni bawk.