Delhi-ah in sak leh ṭhiah khap leh

Delhi khawpui boruak bawlhhlawh zel tur venna kawng khat atan, nimin aṭang khan in sak leh ṭhiah khap a ni leh.

Centre air quality panel, Commission for Air Quality Management (CAQM) chuan Delhi leh National Capital Region (NCR) thuneitute chu Graded Response Action Plan (GRAP)-a Stage III hnuaiah non-essential construction work khap vek turin an ti a ni.

Pathianni khan Delhi air quality index (AQI) hi 407 a ni. AQI 201-300 hi 'poor' caterogy-ah awmin, 301-400 chu 'very poor' niin, 401-500 chu 'severe' a ni. November 4 hnu aṭang khan Delhi pollution level hi 'severe' category-ah a awm. Hei vang hian construction leh demolition activity khap vek a ni a, November 14-ah khapna hi an sut a ni. Mahse boruak a bawlhhlawh chho leh avangin khapna thupek hi nimin aṭang khan an hmang ṭan leh ta a ni.

NCR-ah pawh pollution level hi a sang chho leh tawh bawk. Pathianni khan Noida AQI chu 430 niin 'severe category' a thleng chho a, Gurugram-ah chuan 316 niin 'very poor' caterogy-ah a awm.