Allahabad HC-in ECI hriattirna pe

Election Commission of India (ECI) chuan Uttar Pradesh-a hnam/sakhaw behchhana political rally buatsaih khap chungchanga Allahabad High Court aṭangin hriattirna a dawng, political party pali - BJP, Congress, SP leh BSP pawh hriattirna hi pek an ni bawk.

Kum 2013 July thla khan Allahabad High Court hian adovate Motil Lal Yadav-a'n PIL a thehlut behchhanin interim order a siam a, ECI-in a ṭul anga hma la a, ruahmanna a siam hma chuan UP-ah hnam bil/sakhaw bil behchhana politics lama thiltih a awm tur a ni lo, a ti. Kumin November thla khan hemi chungchang hi hearing neih leh ani a, mahse hemi ṭum hian court hian sorkar leh political party aiawhte hi an inlan loh avangin court chuan hriattirna a pe leh a ni. December 15-ah ngaihtuah leh a ni ang.