Maha sorkarin school 4,093 a khar dawn

Maharashtra sorkar chuan an state chhunga primary leh secondary school, zirlai 10 aia tlem awmna school 4,093 a khar dawn.

School khar tura zirlai leh zirtirtute hi an hnaih ber school-ah sawn an ni dawn a, hei hi education quality siamṭhatna tura hma lakna a nih thu state school education minister Vinod Tawde chuan a sawi.

A thawh khatna atan school 1,314 te chu khar nghal an ni ang a, a dangte pawh a tahtawla khar chhoh an ni ang. He thutlukna hi state school education department rawtna thehluh anga siam a ni.

Zirchianna neihah Maharashtra-ah hian school 5,002 chuan zirlai 10 aia tlem an nei a, an zinga 4,093 hi an bul hnaih ber school-ah chhunfin an ni dawn a, a dangte erawh chu a hnaivaiah school dang a awm loh vangin khar an ni rih lo ang.