Senior citizen nuai 9-in ticket subsidy titawp

Railways-in 'give up' scheme a siam hnuaiah senior citizen nuai kua chuangin an ticket subsidy an titawp a, hei vang hian Railways chuan cheng vaibelchhe 40 vel a hum theih phah a ni.

Nikum aṭanga siam, he scheme hnuaiah hian senior citizen-te chuan man tlawm zawka rel ticket an lak theihna chu an duh anga an hman emaw, ticket man pangngai anga an lak emaw an duh zawk an thlang thei a ni. Kuminah thlan tur dang siam belhin, senior citizen-te cuan an subsidy hi 50% chin an titawp thei dawn bawk.

Scheme siam a nih chhan hi Railwasy-in senior citizen caterogy-a subsidy atana cheng vaibelchhe 1,300 dawn a senral ṭhin tihziaawmna tur a ni.

July 22–October 22 chhung khan mahni duhthu ngeia full subsidy tihtawp hi mipa nuai 2.16 leh hmeichhia nuai 2.67 an awm a, hei bakah hian mipa nuai 2.15 leh hmeichhia nuai 2.05 te chuan an subsidy dawn chu 50% chin chauh hman an remti bawk. Thla thum chhungin kum 60 chunglam nuai 9.39 ten an subsidy an titawp a ni. Nikum chhung khan senior citizen nuai 4.68 ten an lo titawp tawh bawk.